Խաչիկ Վոլոդյայի Եղոյանը

Խաչիկ  Եղոյանը  ծնվել  է 1957 թվականին  Արմավիր  (Հոկտեմբերյան)  քաղաքում:  Ավարտել  է  տեղի  թիվ 1-ին միջն.  դպրոցը, ապա  ընդունվել  և  հաջողությամբ  ավարտել  է  Արթիկի  ինդուստրիալ  տեխնիկումը:  1977 թ.  նա  իր   պարտադիր  զինվորական  ծարաությունն  է  անցկացնում  նախկին  Միության   զինվորական  ստորաբաժանումներում:  Վերադառնալուց  հետո   աշխատանքի  է  անցնում   Հոկտեմբերյանի  քաղժողկրթբաժնի  թիվ 9-րդ  դպրոցում, որպես   ավտոգործի  ուսուցիչ: Արցախյան   շարժման  օրերին  նա  դառնում  է  այն  նվիրյալը, որը  մինչև   վերջ   կապվեց   նորօրյա   հեղափոխական  գործերին  և  իր  հավատը  չկորցրեց   բոլոր  դժվարությունների  ժամանակ:  Նա   եղավ  «Արծիվ-13»  ջոկատի  մարտնչող  արծիվներից  մեկը, և  հավատով  կանգնած  մնաց  իր  արյունակցի՝  Ռուբիկ  Եղոյանի  կողքին: Խաչիկը  մշտապես  եղել  է  հիշյալ  ջոկատի  կազմում, նրա  անցած  մարտական  ուղու  ողջ  ընթացքում  մասնակցել  է  Հայաստանի  սահմանների  պաշտպանությանը,  ինչպես  նաև  Արցախի  տարացքներում  մղած   մարտական  գործողություններին: Խաչիկի   վերջին  մարտը   եղել է 1992 թվականի հունիսի 29-ին` Մարտակերտի շրջանի Լենինավան գյուղի համար մղված մարտի ժամանակ, որտեղ էլ ընկել է հերոսի մահով: