ՄԵԽԱԿ ՄԵԽԱԿՅԱՆ: Ճանաչենք մեր հերոսներին.

Մեխակ Վալենտինի Մեխակյան (1961 - 1994) - ազատամարտիկ, Հայկական բանակի փոխգնդապետ:

Մեխակ Մեխակյանը 1989 - 1994 թթ. ընթացքում Էջմիածնի կամավորական ջոկատի, ապա՝ 5-րդ կամավորական բրիգադի կազմերում (վաշտի հրամանատար, գումարտակի հրամանատար) մասնակցել է Հադրութի, Մարտակերտի, Ֆիզուլիի շրջանների ինքնապաշտպանական և ազատագրական մարտերին: 1994 թվականի ապրիլի 9-ի գիշերը Մեխակ Մեխակյանը իր գրոհային խմբով (մոտ 60 հոգի) թիկունքից հարձակվել և վնասազերծել է Արեգասարի ռազմական հենակետը, խուճապի մատնել Մադաղիսի մոտ տեղակայված հակառակորդին, նպաստել Մադաղիսի և Թալիշի ազատագրմանը:

Մեխակ Մեխակյանը զոհվել է 1994 թվականի մայիսի 1-ին՝ ԼՂՀ Մարտակերտի շրջանի Թալիշ գյուղի համար մղված մարտի ընթացքում:

Մեխակ Մեխակյանը հետմահու պարգևատրվել է ՀՀ և ԼՂՀ «Մարտական խաչ» առաջին աստիճանի շքանշաններով: