ՆԱՀԱՊԵՏ ՏՈՆՈՅԱՆ: Ճանաչենք մեր հերոսներին.

Նահապետ Ազատի Տոնոյան (1960 - 1992) - ազատամարտիկ - հրամանատար, Հայկական բանակի կապիտան (հետմահու):

Նահապետ Տոնոյանը 1990 - 1992 թվականներին մասնակցել է ՀՀ Արարատի, Տավուշի, Վարդենիսի, Իջևանի, Սիսիանի և ԼՂՀ Շահումյանի, Մարտակերտի, Լաչինի շրջանների ինքնապաշտպանական և ազատագրական մարտերին: 1992 թ. սեպտեմբերի 18-ի գիշերը հակառակորդը շրջափակել է Խծաբերդ տանող անտառամիջյան ճանապարհը, առավոտյան հրետակոծել վաշտի դիրքերը: Նահապետ Տոնոյանը, վիրավոր ընկերոջը մեքենայով տեղափոխելիս, ընկել է շրջապատման մեջ, վիրավորվել է, այնուհետև՝ դուրս եկել մեքենայից ու պայթեցնելով նռնակները՝ սպանել է հակառակորդի զինվորներին: Նահապետ Տոնոյանը նույնպես զոհվել է:

Հետմահու պարգևատրվել է ՀՀ և ԼՂՀ «Մարտական խաչ» առաջին աստիճանի շքանշաններով: