ՀԱՄԼԵՏ ՔՈՉԱՐՅԱՆ: Ճանաչենք մեր հերոսներին.

Համլետ Հմայակի Քոչարյան (1951 - 1991) - ազատամարտիկ - հրամանատար, Կապանի «Ղարաբաղ» կոմիտեի նախագահ:

Համլետ Քոչարյանը 1988 թվականին կազմավորել է «Հայոց պատմական իրավունքի միավորում» կամավորական ջոկատը և «Մեծն Գարեգին Նժդեհ» բարեգործական ընկերությունը: 1989-ի օգոստոսին սահմանամերձ Սեյդիլար գյուղի ազատագրական մարտերի ժամանակ մի խումբ ազատամարտիկների հետ գերվել է և տեղափոխվել Բաքու, որտեղից ազատվել է 1990 թվականին:

Համլետ Քոչարյանը 1990 - 1991 թվականներին մասնակցել է ՀՀ Կապանի և Գորիսի շրջանների ինքնապաշտպանական մարտերին: Զոհվել է 1991 թվականի մայիսին՝ Կապանում:

Հետմահու պարգևատրվել է ՀՀ «Մարտական խաչ» առաջին աստիճանի շքանշանով: