Նյութի նկարագրությունը :
ՀԵՐՈՍ ԵՓՐԵՄԻՆ
,,,,
Սարերու ծնունդ արծիւ յաղթապանծ,
Դուն հայ անունին պատիւ գերազանց,
Բռնութիւններու հզօր ախոյեան,
Ո՛վ անմահ Եփրեմ, կեցցե՜ս յաւիտեան:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան (*):
Կուկունեան խումբով անցաւ Հայաստան,
Կռուեցաւ քաջ քաջ, մտաւ մութ զընդան,
Փշրեց, խորտակեց ժանգոտ շղթաներ,
Եղաւ սուրբ դատին անձնըւէր ընկեր:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Դարձուց աչքերը՝ Արեւի երկիր,
Տեսաւ Պարսկաստանն անբախտ, վշտակիր,
Պարսիկ քաղաքներ մշուշով պատած,
Իրանի զաւակ թափէր արցունք, լաց:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Այդ ողբ ու կոծէն յուզուեցաւ մեր քաջ,
Ըմբոստ ու խրոխտ սլացաւ յառաջ,
Զէնքերը ձեռքը իջաւ ասպարէզ,
Յաղթութեան փողը հնչեցուց Արէս:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Ամուր ինչպէս ժայռ, որուն դէմ ի զուր
Կու գան կը բաղխին ալիք ու փրփուր,
Պատւոյ դաշտին մէջ կանգուն մնաց ան,
Եւ արհամարհեց հարուածներ մահուան:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Նենգ, դաւ, բռնութիւն, դժոխքի տարրեր,
Մահ կը սպառնային քաջին անվեհեր,
Գոռաց ան, ինչպէս մըրրիկ ուժգին,
Արձագանգ տըւին երկիր ու երկին:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Քե՛զ փառք, հիացում, ո՛վ Սիւնեաց աշխարհ,
Որ այսպէս վսեմ հերոս մը ծընար,
Քու անմահութեանդ բոլորեց դափնի,
Սարսափ տարածեց իբրեւ ֆեդայի:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Մեռնիլ, ո՛հ, մեռնիլ, երազն էր անոր,
Կռւոյ դաշտին մէջ իբրեւ քաջ զինւոր,
Ինք ազատութեան զուարթ հրեշտակ,
Գոցեց աչքերը, գնդակներու տակ:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Քե՛զ, Դաշնակցութի՛ւն, հազա՜ր երանի,
Որ կըրեց քու մէջ Եփրեմներ արի,
Անոր փառքերէն գինովցիր եւ դուն,
Վարէ՛ գործդ յառաջ թափով եռանդուն:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Համբո՛յր դրօշիդ, վե՛հ նշանաբան,
Որուն տակ ծընան հերոսներ այնքան,
Յիշեմ Սամաթիոյ հերոս Գնունին,
Անդրէասեանը, -- ասոնք մահ չունին:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,,
Նոյնպէս Միսաքեանն, Մանավեանին հետ,
Ոյց ընկերակից բերկրեցայ յաւէտ,
Իցիւ, ես նախկին կորովով աշխոյժ,
Ունենայի միշտ քաջութիւն եւ ոյժ:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
,,,
Այժըմ Իրանեանց հետ կսկծալի,
Թափելով սրտանց արցունքներ աղի,
Կ'ասեմ, մահդ, Եփրե՛մ, մխեց մի սուր փուշ,
Երանութեան մէջ հանգչէ, քունդ անուշ:
,,,,Զինդեբա՛դ Եփրեմ Խանը Կահրաման,
,,,,Հարի՛սը հիւռիեթը Իրանեան:
